Sogevegen
Sogevegen er turistvegen utanom Mælefjelltunellen, gjennom Hjartdal, Svartdal og Flatdal. Eit område spekka med kulturlandskap, kunst og forteljartradisjon! Opplev området på eiga hand eller ta kontakt med aktørar i området for omvising og program.
Holm landhandel
Like ved Hjartdal kyrkje finn du Holm landhandel med eit rikt utval lokale produkt og enkel kafé, ope i helgene juni-august, og elles etter avtale. Telegardar driv butikken og kaféen, og Kulturlandskapssenteret har også tilhald i lokala.
Kulturlandskapssenteret
Kulturlanddskapsinfo på Holm landhandel og utstilling i Kulturlandskapsskulen like ved, omvising, natur- og kulturprogram, grupper etter avtale, forteljing og folkesong på kjøpet!
Hjartdal bygdemylle
I Hjartdal bygdemylle blir det framleis produsert mjøl. Uteområdet er flott tilrettelagt som rasteplass, men det er også mogleg å få omvising inne i mylla og få sjå ei temautstilling om åkeren og kornet si historie i fjellbygdene.
Kønnmagasinet
Like ved Hjartdal kyrkje finn du Kønnmagasinet. Det er eit abstrakt kønnmagasin med informasjon om det gamle kønnmagasinet, målarar som har halde til i området og gamle landskapsfoto.
Myljom-To
Omvisning på garden, orientering om lauving som driftsform, vera med i slåtten og ellers andre aktivitetar som passar inn i drifta og årstida. Merka stig frå Hjartdal til Svartdal passerar garden.
Nordbø gard og stule
Ein familiedriven gard med mjølkeproduksjon, aktiv seterdrift og sal av gardsmat. Tek i mot grupper for servering og forteljing om gardsdrifta, om sommaren også demonstrering av ysting og kinning og sal av rjomegraut.
Funnerfellen
På Funnerfellen lagar dei fellar og andre ting med gamle skinntrykk frå Hjartdal og grannebygdene. Forteljing om handverket, symbola og ei segn eller ein song kan du også få med på kjøpet.
Haatveit
Hytteutleie, gardsferie, jaktutleie, brukskunst, økologisk lam/sauekjøtt, skinn, ull, og honning mm
Saga Sauna
Saga Sauna ligg ved Hjartsjå, der Sogevegen byrjar. Saunaen kan leigast av grupper på opptil 6-8 personar. Gangavstand frå parkering og toalettanleg ved E134.
Landsverk Gaard
Gardsbutikk tett ved E134 i Sauland, med eigenprodusert solbærsaft, diverse lokale matvarer og interiør.
telegardar.no 