Dyrskuplassen

Om

Dyrskuplassen ligg i naturfagre Seljord, midt i hjartet av Sør-Noreg. Omkransa av flotte fjell, og ei rekke camping- og badeplassar, ligg det segnomsuste Seljordsvatnet. Dei fyrste observasjonane av sjøorm vert gjort heilt tilbake til år 1750, og det er fortsett mange som speidar etter uvanlege hendingar på vatnet når dei besøker bygda. I Seljord ligg alt til rette for både mystikk, spektakulære fjellturar og gode opplevingar på Dyrskuplassen.

Seljord ligg sentralt i Sør-Noreg – midt mellom aust og vest, med E134 som gjennomfartsåre. Her ligg den gamle marknadsplassen som årleg samlar over 90 000 gjester til Dyrsku’n i september. Her finn du og store musikkfestivalar, hestestemne, landssamlingar og fleire marknader. Totalt er det opp mot 200 000 besøkande på Dyrskuplassen i året.

Dyrskuplassen er ein av dei best utbygde arrangementsplassane i landet med gode campingareal, sanitærfasiliteter, grøntområde, smågater og gardstun. I tillegg har vi fleire selskapslokale for mindre arrangement.

Når plassen er fylt opp med yrande folkeliv, spanande aktivitetar og gode program, er det mange som får opplevingar og minne for livet. Du er hjarteleg velkommen!

Arrangement for 2024
10.-11. mai: Vårmarknad
03.-07. juli:   Seljordfestivalen
24.-28. juli:   Countryfestivalen Seljord
13.-15. sept: Dyrsku’n