Northern Nights - Irske stjernemusikkarar til Årestoga

Om

Vi er så heldig at vi får igjen besøk av prosjektet Northern Nights i november. Fire flotte irske musikkarar kjem til Rauland for ei veke 'in residence'. I tillegg til denne ope konserten er det øvingsdagar saman med lokale norske artistar, kurs for studentar og andre arrangement.

Ciarán Ó Maonaigh er ein felespelar frå Gaoth Dobhair i Donegal, djupt forankra i den lokale tradisjonen. Han vart påverka av bestefaren Francie Mooney og Altan-medlemmane Mairéad Ní Mhaonaigh og Frankie Kennedy, og har utvikla ein særegen stil som kombinerer tradisjon og nyskaping.

Han spelar solo og saman med kona si, Caitlín Nic Gabhann, som duoen Caitlín & Ciarán, og dei turnerer og underviser i irsk tradisjonsmusikk over heile verda. Ciarán er òg medlem av trioen Fidil, som har gjeve ut fire kritikarroste album. Han har òg spelt inn musikk med Na Mooneys og The High Seas, og debutalbumet Ceol a'Ghleanna viser hans musikalske djupn.

Musikken hans har vore brukt i film og TV, og det nyaste albumet hans Caillte sa Cheol | Lost in the Music utforskar vidare den irske felespeltradisjonen.

Cathal Ó Curráin er felespelar, songar og bouzouki-spelar frå Gaoth Dobhair i Donegal. Han vaks opp i eit musikalsk miljø og lærte frå lokale spelemenn og songarar, særleg frå tantene sine Caitlín og Bríd Joe Jack.

Han har turnert internasjonalt og samarbeidd med The High Seas, The Friel Sisters, Bláth na hÓige og Aoife Scott med Ron Block. Debutalbumet hans Cosán Ceoil (2022) inneheld både songar og instrumentalar frå Donegal-tradisjonen, og han vart kåra til Beste Nykomar under RTÉ Radio 1 Folk Awards same året.

Cathal held fram med å spela og formidla irsk tradisjonsmusikk med ei frisk og truverdig stemme.

Bríd Harper frå Castlefinn i Donegal vert rekna som ein av dei fremste tradisjonelle felespelarane i Irland. Ho byrja å spela som niåring og vann tre store titlar i 1988: Senior All Ireland Fiddle Champion, Fiddler of Dooney og Oireachtas na Gaeilge.

Soloplata hennar frå 2015 vart omtala som "solo-felespel av det mest utsøkte slaget". Ho har spelt både solo og med kjende tradisjonsmusikarar, og er ein ettertrakta lærar som underviser i Donegal-stilen ved kurs og festivalar over heile verda.

I 2022 vart ho nominert til Beste Instrumentalist under RTÉ Radio 1 Folk Awards, og ho fekk Bardic Award frå Comhaltas i 2024.

Becky Ní Éallaithe er ein konsertinaspelar og sean-nós-dansar frå Connemara Gaeltacht. Ho har lært av lokale musikarar og vidareutvikla musikken sin ved Irish World Academy i Limerick.

Ho spelar på festivalar og konsertar i inn- og utland, og har samarbeidd med grupper som Muireann Nic Amhlaoibh Band og Birkin Tree. Konsertinaspelet hennar er rytmisk og uttrykksfullt, og ho har ein sterk musikalsk kontakt med dei ho spelar saman med.

Becky held fram med å formidla og vidareutvikla den musikalske arven frå Connemara.

Kro og dans etter konserten