Sommarutstilling med Sverre Bjertnæs, Ingeborg Stana og Inga Søreide

Om

Årets sommarutstilling på Skinnarlandsamlinga i Rauland viser grafikk av kunstnaren Sverre Bjertnæs, måleri signert Ingeborg Stana og små skulpturar av Inga Søreide.

Ingeborg Stana er billedkunstnar og professor i visuell kunst ved Institutt for estetiske fag på OsloMet – Oslo Metropolitan University. Ho har ein Master of Arts frå Kunsthøgskolen i Oslo (tidl. Statens kunstakademi) og Accademia di Belle Arti a Firenze (Det statlege kunstakademiet i Firenze). Stana arbeider på tvers av tradisjonelle og samtidige medier, samstundes som ho forskar på kreativitet og estetiske læringsprosessar. 

Sverre Bjertnæs har sin utdanning frå Kunstakademiet i Oslo og Duch Art Institute i Nederland. Han har i løpet av karriera blitt ein ettertrakta kunstnar i Noreg men óg gjort seg bemerka på den internasjonale kunstscena. Bjertnes gjekk tidleg i lære hjå nokon av Noregs mest kjente figurative kunstnarar: Tore Bjørn Skjølsvik (1989-93) og Odd Nerdrum (1993-94). 

Inga S. Søreide (f. 1982, Stord) er utdanna biletkunstnar med Bachelor- og Mastergrad frå Norge og Tyskland. Ho bur og jobbar i Bergen. Søreide har hatt separatutstillingar på m.a. Kunstgarasjen, Galleri 21 (Malmö), Galleri GAD (Oslo) og på Visingsrommet Usf Verftet (Bergen), og ho har deltatt på ei rekkje gruppeutstillingar.
 

Tidspunkt for opning: kl. 18.00 laurdag 24. juni.

Utstillinga er tilgjengeleg i museets opningstider; tirsdag til sundag kl. 11.00 - 17.00, i perioden 25. juni til 15. august.

Velkomen til opning!