Takk og pris - ei feiring av frivilligheita

Om

Takk og pris 2024

I samband med Frivillighetens dag i desember ynskjer Fyresdal kommune å takke og setje pris på alle som jobbar frivillig i Fyresdal. I Fyresdal blir det lagt ned ein formidabel innsats frå frivillige på utruleg mange område.

Frivilligheita blomstrar innan: Idretten, barne og ungdomsarbeid, eldreomsorg og tilrettelegging for opne møteplassar der sosialt samvær og kreative utvekslingar går føre seg. Denne frivillige innsatsen innbuarar i Fyresdal utfører, gjer bygda vår til ein god plass å bu.

Vi inviterer med dette alle som jobbar frivillig i Fyresdal til Kulturhuset for fest laurdag 7.desember kl. 15 – 17. 

Program: Velkommen kl.15.00
Småprat, fingermat og drikke i foajeen fram til kl.15.45
Vi går inn i kultursalen
Underhaldning av Jon Solberg og Anne Gravir frå kl.16.00
kl.16.45: Taler og utdeling av Eldsjelprisen og Frivilligprisen

Arrangør: Fyresdal Kommune, Hilde og Anne Lise