Fjellskitur til Berhomfjellet på Skafsåheii

Om

Sundag 11. mars 2018 kan du bli med Kviteseid Turlag på skitur i nytt og spennande fjellterreng for dei fleste.
Vi går opp alpinbakken ved Hallbjønnsekken og i småkupert, jamt stigande terreng bortover ryggen mot toppen på Berhomfjellet. Der er det flott utsikt mot Spafjell og Urnosi i nord, Setesdalsheiane i vest, Draumenuten, Napuren og Høgsetet i sør, og langt i aust ser ein den langstrakte ryggen på sjølvaste Gaustatoppen. Vi går ei litt annan rute tilbake. Turen, som er ein halvdagstur, går i hovudsak utanom preparerte løyper. Derfor er fjellski med stålkantar å foretrekke. Mat, drikke og ekstra klær må ein ha med i tursekken.
Frammøte er ved Hallbjønn Høyfjellssenter kl. 10.30. Langvegsfarande kan tinge overnatting der.

Turleiar er Jon Ingebretsen, som også kan gje meir informasjon på tlf 481 01 435. Det er inga påmelding.