Forfattarmøte med Tore Kvæven

Om

Velkomen til forfattarmøte på Tokke bibliotek!
Tore Kvæven sin siste roman ”Når landet mørknar” har, med rette,hausta strålande meldingar frå eit samla kritikerkorps. I november 2018 fekk han Noregs mest prestisjetunge litteraturpris, Brageprisen, for skjønnlitteratur.

Tore Kvæven er romanforfattar og sauebonde frå Sirdal. Han debuterte i 2011 med spenningsromanen ”Hard er mitt lands lov”, som han hadde brukt tjue år på å skrive. Boka omhandlar vikingtokt til Afrika. I 2018 kom ”Når landet mørknar” som handlar om den norrøne busetnaden på Grønland på slutten av 1200 tallet.

I dette føredraget tar Tore Kvæven for seg historikken til det norrøne Grønland. Korleis levde menneska her? Kvar vart det av dei? Han snakkar sjølvsagt også om forfatterskapen, om korleis han skriv og om kvar han finn inspirasjon.

Inngang kr. 100,- (inkl kaffe og kjeks)
Studentar og skuleelevar kjem inn gratis.