Tarjei Dalastøyl - rosemålaren frå Øyfjell

Om

Det er 200 år sidan rosemålaren Tarjei Dalastøyl blei født (1818). Han var frå Hombrekk i Øyfjell (i dag Vesterdal, bilete) og ein god handverkar og gåverik rosemålar. Mest kjend er han for å ha dekorert grautspann (bilete), ostekoller og smørstaup, men også kister og skåp. Mykje av sitt vaksne liv budde han på Dalastøyl under Nord Tveiten i Høydalsmo, der han døydde 1882. Ved Øyfjell bygdemuseum har me samla saman arbeid etter Tarjei Dalastøyl som er å sjå i sumar. På biletet kan du sjå ei rose han måla på ei kiste i 1877.