Om

Hytta trio
Sundag 18. oktober
Nye Sjodar folkemusikkscene, kl 19:00
275,-

Slåttespelets hemmelege tonesagn møter dagslyset i Hytta Trio si musikk. Med Hytta si hardingfele, Skaansar sin bass og Strønen sitt rike instrumentarium av perkusjonsinstrument skaper trioen musikk med stort rom for innfall og utfall. Våren 2026 gav dei ut den kritikarroste debutplata Vindespel på plateselskapet Krets. Vindespel er ei meanderelv mellom dansbare sirkellåtar og langsame undringstonar.
Musikarane i Hytta Trio byrja å spele saman i 2018, då dei laga og framførte musikk til teateroppsetjinga Tvisyn om diktaren Aasmund Olavsson Vinje (1818–1870). Sidan den gong har dei spelt og leita i den norske tradisjonsmusikken etter utgangspunkt for ny, innfallsopen musikk.
Det er slåttetradisjonen til Hytta frå Telemark som er utgangspunktet dei spinn ny musikk ut frå. Men trioen hentar òg inspirasjon og idear frå andre folkemusikktradisjonar, og bakgrunnen til Skaansar og Strønen frå jazz- og improvisasjonsmusikken fargar trioen sin særeigne klang.
«HYTTA forlèt gatene og menneskemylderet og vender seg mot tankane og draumane. Her er mørke, tette skogar å vikle seg inn i og ut av, og opne landskap med utsyn og oversikt.»

Vinde: vikle ein tråd rundt noko
Av norrønt vinda
Anne Hytta – hardingfele
Jo Skaansar – bass
Thomas Strønen – perkusjon

Velkomen!