Hjortehagen

Om

Hjortehagen er ei lita familiebedrift på Neslandsvatn, midt mellom Kragerø og Drangedal. Me driv med produksjon og sal av hjortekjøt, og har 25 vaksne dyr her på garden. 

Spekepølsene våre er laga av om lag 80 prosent reint hjortekjøt, i motsetnad til dei fleste andre viltpølser som er blanda ut med anna kjøt. Me likar godt den reine, gode viltsmaken, og veit at kundane våre set pris på kvalitet. 

Etter slakting på hausten sel me eksklusive stykningsdelar av hjortekalv. Møre og velsmakande biffar, steik og grytekjøt. Tilbyr også heile og halve slakt om ein ynskjer det, ta i så fall kontakt. 

Besøker ein garden vår kan ein vere med på mating av hjortane, og kanskje ein tur inn i hegnet. Det er ei spesiell oppleving. Ta kontakt med oss for å avtale, me tek imot både enkeltpersonar, familiar og grupper.  

På garden har me også eit stort og flott stabbur som me leiger ut til overnatting. Her er det to gode soverom nede, med 200 år gamle veggar, og eit stort og luftig opphaldsrom med flott utsikt oppe.

Du finn oss på Facebook og Instagram: Hjortehagen ved Neslandsvatn.