Årsmøte og biletkåseri

Om

Måndag 28. mars kl 18 står årsmøtet for Tokke historielag på Tokke kulturhus. Medlemer kan melde inn saker innan laurdag 26. mars. Etter årsmøtehandlingane blir det kaffe og biletkåseri.

Telemark i endring - Ei fotografisk reise gjennom tid og rom

I 20 år har landskapsgeograf Oskar Puschmann frå Norsk institutt for bioøkonomi (NIBIO) reist rundt i Noreg for å dokumentere landskapsendringar ved hjelp av eldre fotografiar.

Der ein eldre fotograf ein gong stod har Oskar Puschmann satt opp sitt stativ og har teke nøyaktig det samme landskapsutsnittet på nytt.

På den måten syner han korleis landskapet gjennom ulike epokar er i endring.

Bileta dekker eit tidsrom frå 1884 og fram til i dag, bl.a. med ein nyfotografering etter pionerane Axel Lindahl og Anders Beer Wilse.

Like interessant er også nyare biletpar, dvs. kva som har skjedd i landskapet i løpet av dei siste 10 – 30 åra.

Måndag 28.mars kjem Oskar Puschmann til Tokke kulturhus etter invitasjon frå Tokke historielag, og han vil ta publikum med på ei timelang reise gjennom både Tokke, Telemark og resten av landet.