Brevet frå Minnesota

Om

Utvandring: Slik løyste Jon gåta om grandonkel Ed i Amerika

Journalist og forfattar Jon Magnus vende kvar stein for å finne livshistoria til grandonkelen som utvandra til Amerika i 1904 og knapt gav livsteikn frå seg på 47 år. Det vart det bok og foredragsturné av.

Nå gjestar forfattaren Tokke og Fyresdal. Boka heiter «Brevet fra Minnesota – i skyggen av den amerikanske drømmen». Her fortel Jon Magnus om Eivind Ytterbø frå Tørdal som var 23 år gamal da han gjekk over heia og om bord i kanalbåten i Fjågesund i 1904. Der starta fyrste etappe på reisa til det nye landet.

Jon Magnus (f. 1948) har 40 års fartstid som journalist og utanriksreportar i VG. I jobben har han reist verda rundt. Han har skrive fleire bøker, blant dei «Veien til Karlsvogna» frå 1999 om kreft og kjærlighet og «Sommerfuglene i Armero» frå 2015.

«Brevet fra Minnesota» vart lansert i 2021 og er nå ute i tredje opplag. Maana forlag er utgjevar.

Fri inngang