Feiring av 50-årsjubileum

Om

Museumsbygget på Grimdalstunet feirar 50-årsjubileum 11. august!

Skulpturbygget med samlinga av skulpturar etter Anne Grimdalen vart offisielt opna 1. juli 1973. Denne dagen hadde bygdefolket og kommunen sett fram til gjennom mange år.

50-årsjubileet vil bli feira på Grimdalstunet med eit variert og stort program.

Dagfinn Midtbø vil orientere litt om tida frå då Anne Grimdalen døydde i 1961 til Tokke kommune tok over museet i 1964, og arbeidet fram til opninga i 1973. Det blir solide musikalsk innslag ved felespelar Torgeir Straand. Leif Arild Sanden spelar rolla som Henrik Sørensen. Kunstnar Henrik Sørensen kjende godt til Anne Grimdalen. Han kalla henne for «Eventyrjenta i norsk kunst».  

Den kjende kunstnaren Karl Erik Harr vil koma med ei helsing. Karl Erik Harr har stor tilknytning til Grimdalstunet. Han har måla dei flotte bileta frå Draumkvædet – ca. 30 måleri som er utstilt i skulpturhuset. Harr har gjennom ei årrekkje fortald om den store skaparevna som bilethoggar Anne Grimdalen hadde.

Det blir helsingar frå ordførar Jarand Felland og direktør Dag Rorgemoen ved Vest-Telemark museum.

Vidare vil Erling Mo Grimdalen kome med helsing frå familien og barnebarnet til Erling, Ørjan Grimdalen, vil spele fele, og det blir allsong. 

Velkomen til ein hyggeleg kveld!