Jolemarknad på Åmdals Verk gruver

Om

Åmdals Verk gruver i Tokke diskar opp med eit bugnande jolesal kvart år, og eit høgdepunkt for dei minste er jakta på gruvenissen. Kjem han i år óg?

Jolemarknaden på gruvemuseet opnar kl. 13.00 sundag 19. november, dagen etter jolemessa i Eidsborg. 
Her kan du få kjøpt både gåver, mat og kaker til jol. Arrangøren lokkar med sal av mellom anna småkaker og andre kaker, gjærbakst, kransekaker, fisk og eplejuice, men også jolepynt og jolekort, og gåveartiklar som måleri, trearbeid, hekla og strikka produkt. Det blir jolekalender og loddsal, med meir.

Kring bålpanna skal Tokke skulemusikk sørgje for joletonar. Mellom kl. 13.30 og 14.30 er det duka gruvevandring for barn, og sjølvsagt vonar alle på eit møte med gruvenissen, før han trekk seg tilbake for å ete graut og ta seg ein velfortent lur. Det vesle samfunnet i Tokke har ein lang gruvetradisjon. Malmgangane blei funne i 1689, og drifta kom i gang i 1691. Etter freden i 1945 blei gruvedrifta lagt ned for godt. Temperaturen i gruva er jamt over 6 grader, så det er nødvendig med litt varme klede under nissejakta.