Kammermusikk av Olav Kielland - konsert med Fragaria Vesca

Om

KONSERT I EIDSBORG

Kammermusikk av Olav Kielland med ensemble Fragaria Vesca

Ensemblet består av 
Tor Johan Bøen, fiolin/hardingfele
Inga Gorset, fiolin
Bénédicte Royer, bratsj
Benjamin Lund Tomter, cello

Olav Kielland (1901-1985) var ein særs dyktig dirigent og komponist. Da han flytte til Bø i Telemark seinsommaren 1941, var det for å studere hardingfeleslåttene i Telemark, flytte familien vekk frå Oslo og få arbeidsro. I Bø kom han i nær kontakt med forfattarar, soge-forteljarar, kvedarar, spelemenn og Telemarksnaturen. I 1943 fikk han kjøpt garden Raudmyr i Øvre Bø der han budde resten av livet. 

To av inspirasjonskjeldene og kollegaene var Eivind Groven og Torkjell Haugerud. Kielland ønskja å utvikle eit tonespråk basert på folkemusikkens harmonikk, motiv og rytme. Kielland såg moglegheiter i hardingfela sitt høve til polyfont spill. Dette ønskja han å utvikle og overføre til andre sjangrar. 

Studiane prega gradvis Kielland sitt tonespråk, og verket 7 slåttar for hardingfele, komponert 1943-53, var kjernen i dette. Form, musikalske motiv og tema til slåttane er originale. Også kammermusikken han skreiv for strykarar blei prega av studiane.

Inngang: kr. 200,-

Halv pris for dei med museumsårskort 2025 
Billett kjøpast i døra.

PROGRAM

O. Kielland: Strykekvartett (Quartetto per due violini, viola e violoncello) op. 22 (komponert 1963-1964)
1. Allegro moderato
2. Adagio sostenuto
3. Allegro impetuoso

Tvileikar op. 19 (5 cacce per 4 strumenti ad libitum) (komponert ca. 1954)
1. Andante con moto
2. Moderato
3. Allegro moderato
4. Adagio
5. Allegro

Melodia for strykere op. 15b (Her vil eg kvile) (komponert 1945-46)
Poco adagio
Tittelen til verket er hentet fra et dikt av Olav Setrom. Diktet står skrevet i manuskriptet til verket.

7 slåtter for hardingfele op. 12 a-g. (Komponert 1943-1953)
a) Raudmyr-hallingen
b) Tjøstul Blesterbakken, gangar
b) Eskvam halling
c) Tussan i Raudmyr, springar
d) Vetlvonsbruri, gangar
f) Halling
g) Krokbakkjen, springar