Konsert med trioen Hitterdal

Om

Sundag 12. september blir det konsert med trioen Hitterdal på Vest-Telemark museum i Eidsborg.

Hardingfelespelarane Anne Hytta, Johanne Flottorp og Tuva Færden er tre musikarar som både søker seg innover i tradisjonen og utover mot ny musikk og nye samarbeid. Dei er erfarne solistar med det tradisjonelle hardingfelespelet som fundament, men dei er alle søkande musikarar i ulike konstellasjonar, innanfor eit breitt spekter av sjangrar.

Utgangspunktet for trioen er gamle slåttar fra Telemarksbygda Heddal, og i stor grad noteoppskrifter frå Hardingfeleverket (Universitetsforlaget 1958 / 1981), skrive ned i perioden 1920-1944 av Arne Bjørndal og Eivind Groven etter hardingfelespelarane Anund Haugan (1883–1962), Olav Fyrileiv (1875–1975), Torkil Kolbjørnsrud og faren hans, Jon Kolbjørnsrud (1858–1954). I lag speler dei gamle slåttar i ny drakt, og saman håpar dei å få slåttane til å skinne som dei perlene de er. Slåttematerialet dei hadde går i stor grad tilbake til kilden Ole O. Kolsrud (1821–1902), spelemann, husmann og skreddar frå Heddal.
I 2021 er det 200-årsjubileum for hans fødsel, og då passar det ekstra godt å løfte fram dei egenarta, fine og til dels heilt ukjente slåttane etter han.

I samband med konsertar i 2021 vert det også spelt inn plate med materialet, som vil bli gitt ut på plateselskapet Ta:lik i april 2021.

Hitterdal er det gamle namnet på bygda Heddal. Namnet kjem av norrøne Heitrdal, som antakeleg betyr «den heite dalen».

Inngangsprisar: 200,-
Honnør/student: 150,-
Dei med årskort frå museet får billetten til halv pris.