Korn nok? Brødets og ølets historie

Om

Åsmund Bjørnstad, forfattaren av den kritikarroste Kornboka, kjem til Tokke kulturhus for å snakke om eit høgaktuelt tema. Arrangementet er i samarbeid med Tokke bygdekvinnelag og Bodil Nordjore, som syter for heimebaka brød til servering og sal.

Vegen til historias hjarte går gjennom maten, som må finnast om ikkje eit samfunn skal bryte saman. Korleis kom me til å bli så avhengige av nokre få artar? Korleis går det med mattryggleiken, i ei verd med krig og klimaendringar?

Åsmund Bjørnstad er professor emeritus frå Ås i planteforedling. Han er også forfattar og lyrikar. (Og ikkje minst, han har slekt frå Lårdal.)

Juan Gutierrez-Maupome er i ferd med å omsetje Kornboka for eit spansk forlag. Gjennom ein samtale mellom Åsmund og Juan vil me få både eit lokalt og globalt blikk på historia til brødet og ølet.

Inngang kr. 100,- (som inkluderar brødsmaking i pause)