Om

Denne turvegen tar deg opp til steinbrotet Brunåslid. Dette var det største av mange brynesteinsbrot i Eidsborg-Lårdalsområdet. Brotet vart truleg opna tidleg på 1700-talet og var i drift til rundt 1950. Ein ser dei store ”uslehaugane”, som var avfall frå brynesteinsproduksjonen. Ved den øvre haugen ser ein tufter etter ei av arbeidsbrakkene.

Brynestein frå Eidsborg har ei lang historie og ein reknar drift i berga her attende til omlag 700 e.Kr.
Den vart skipa ut vassvegen (Telemarkskanalen).

Brynesteinen er og ei særmerkt handelsvare som allereie vikingane tok med seg ut på sine ferder. Brynestein er slik funnen over heile  Europa.

Middels krevjande tur i kupert terreng. Stigen fylgjer store delar av ein gamal ferdselsveg som i dag er ein del av pilgrimsvegen i Vest-Telemark.Turen er ikkje lengre enn 4 km, men ein bør likevel rekne 2 timar på grunn av terrenget. Etter den fyrste stigninga kjem du til eit utsynspunkt med benk. Det er og benkar på toppen ved brotet. Ved start og under heile turen er det informasjontavler og retningskilt. Frå brotet kan du gå fylkesvegen attende til museet.

Turen startar ved Vest-Telemark Museum, Eidsborg. Det er godt skilta til Vest-Telemark Museum frå Høydalsmo og Dalen. Parkering ved museet og Eidsborg stavkyrkje. Stigen startar ved Juvestoga på museumsområdet.  

Tilgang: Mai – oktober 

Hugs godt fottøy! 

Les historia om brynestein frå Eidsborg

Ansvarsfull ferdsel for å bevare naturen
Når du beveger deg i naturen, er det avgjørende å praktisere ansvarlig ferdsel for å bevare og respektere det naturlige miljøet. Dette inkluderer å følge oppmerkede stier for å unngå skade på økosystemene, ta med deg søppel og respektere lokale regler og restriksjoner. Sørg for å unngå å forstyrre dyrelivet, og vær oppmerksom på eventuelle spesielle hensyn knyttet til verneområder. Ved å være ansvarsfull i dine utendørsaktiviteter, bidrar du til å opprettholde skjønnheten og bærekraften til naturen, slik at kommende generasjoner også kan nyte den.