Gjesteutstillar 2022

Edit Spira | Måleri 

Ei utstilling med bilete frå Eva Bull Holte sitt kunstnarskap skal visast i Tønsberg på Haugar kunstmuseum i sommar. I den forbindelse kom det eit innspel frå EBH museum om å invitere ein gjesteutstillar frå Vestfold dette året og slik skape eit møte mellom to kunstnarar frå kvar sin del av vårt store fylke Vestfold og Telemark. 

Edith Spira bur og arbeider på Nøtterøy i Færder kommune. Spira kjem opprinneleg frå Østerrike og stiller med jamne mellomrom ut i Wien. Ho har som Eva Bull Holte eit av sine fokus på landskap. Eva henta sine motiv både i Noreg og på reiser i Europa. 
Spira er ofte inspirert av landskapet i heimlandet eller av reiser til Sahara og Sør- Europa. Kulturlandskapet i våtmarksområda rundt Donau har vore utgangspunkt for mange måleri. Landskapet blir i hennar arbeid synleggjort i eit forenkla abstrakt og poetisk formspråk.                      

I 2020 hadde Spira ei stor utstilling på Haugar med tittelen Horisonter.

Vi gler oss til å sjå Spira sine arbeid i Eva Bull Holtes museum til sommaren. 
 

Del siden på Facebook