Anne Gro Røyland stiller ut på Kviteseid bygdetun

Om

I sommarsesongen 2024 vil Anne Gro Røyland ha utstilling på Kviteseid bygdetun. 

Anne Gro fortel at det var bestefar hennar, Sigurd Tveit, som langt på veg inspirerte ho til å byrje å teikne og måle tidleg i barndomen. Anne Gro vaks opp på Flatin i Kviteseid. Etter å ha utdanna seg som sjukepleiar og helsesyster busette ho seg i Hokksund saman med familien. Der driv ho som familieterapeut.

Som 18-åring gjekk Anne Gro Røyland på akvarellkurs hjå kunstmålar og typograf Sigrid Nordskog, som på den tida budde i Kviteseid. Ho har framleis sterke band til heimbygda med foreldre på Flatin, og hytte i Vrådal. Ho hadde si fyrste utstilling på Straand hotell i 2022. 

Det er lokalstyret til Kviteseid bygdetun som har invitert Anne Gro til å stille ut på bygdetunet i sommar. Bileta er i hovudsak tilgjengelege i museets opningstid, tirsdag til sundag frå 25. juni til 15. august.