Brit Bildøen og Ruth Lillegraven - forfattarmøte

Om

Møt Brit Bildøen og Ruth Lillegraven i samtale med NRK-journalist Anne Lognvik. Brit Bildøen er ein av våre fremste samtidsforfattarar. Ho debuterte i 1991 med diktsamlinga «Bilde av menn», og har sidan skrive barnebøker, romanar og essay, og er også verksam som omsetjar. Bøkene til Bildøen er omsett til fleire språk, og ho er blitt tildelt fleire litterære prisar, m.a. P2-lyttaranes romanpris for «Sju dagar i august» og Nynorsk litteraturpris i 2018 for «Tre vegar til havet».

Ruth Lillegraven har skrive bøker i mange ulike sjangrar, for både barn og vaksne. Ho debuterte som romanforfattar med «Mellom oss» i 2011, og i 2018 kom den psykologiske thrillaren «Alt er mitt». Innimellom kom to prisløna diktsamlingar; «URD» som fekk Brageprisen, og «Sigd» som fekk Nynorsk litteraturpris. Og litteraturen hennar når lengre ut: i haust har «Sigd» premiere som teaterstykke på Det Norske Teatret, og både «Sigd» og «Alt er mitt» er seld for utgjeving på fleire språk. Lillegraven er frå Granvin i Hardanger, men nå kan du oppleve henne på Granvin i Seljord!

Anne Lognvik har djupe røter i Vest-Telemark og er kjent som mangeårig journalist i NRK. Nå tek ho turen til Seljord for ei litterær samtale på biblioteket.

Arrangementet er eit samarbeid mellom biblioteket, Granvin kulturhus, Vest-Telemark blad og Seljord mållag, og vi har fått støtte frå Fritt Ord. Gratis inngang. Vel møtt!