Bygdenatt: Gratiskonsert med Ni Liv

Om

Gratiskonsert med Ni Liv under bygdenatt på gamle Rema 1000 tomta.

Ni Liv er eit americana-band frå Bø og Telemark med tekstar på norsk. Musikken speglar heile bandets kollektive basseng av musikalske idéar og krumspring. Ni Liv har sidan starten i 2003 spela over 500 konsertar rundt i Norge og gjeve ut 8 studioalbum, 2 ep-ar og ei konsertplate. Plata «Langhelg» frå 2011, blei nominert til Spelemannspris i countryklassa.

Bandet har vore spelelista på Nrk P1 ei rekke gonger, sist med songen Kan eg få lov til å elske deg frå det siste albumet «Tell til tjuge» (Grammofon, 2020).

Nå planlegg Ni Liv 20-årsjubileumet sitt i 2023. Det er snakk om eit dobbeltalbum, slikt ingen driv med lenger. Ei nedpå-plate, og ei oppå-plate, for å bruke orda til ein av bandets låtskriverar, gitarist Jan Birger Akerhaugen.

Frontfigur Jon Solberg skriv tekstane. Dei gjev eit usminka blikk på livet, kjærleiken og tida me lever i. Orda er festa i bygdekultur, skog og fjell, bil og landeveg. Ni Liv skriv og komponerer, arrangerer og produserer all musikken sin sjølv, og spelar inn låtane live i studio. Det skal vera levande og ekte.