Familiedagen i Eidsborg 2024

Om

Velkomen til den årlege familiedagen på museet i Eidsborg! 

Tema for årets familiedag er Vindlausloftet; kanskje betre kjend som Stålekleivloftet, eit av verdas eldste trebygg som no skal restaurerast. Prosjektet, som skal ferdigstillast i 2025, inneber spennande arbeidsprosessar, gamle handverksteknikkar og historieformidling som de kan bli betre kjende med denne dagen.

PROGRAM

Kl. 12.00 Aktivitetar på tunet for store og små
Kl. 13.00 Program i Fellandsalen
• Fjellrøyst syng for oss
• Historikk, myter og fakta om Stålekleivloftet ved Karl Endre Bjerk. Han fortel også om det pågåande restaureringsprosjektet
• Foredrag «Symbolikk og tru gjennom tidene» ved Martine Solstad Larsen, om menneskets tilknyting til natur og korleis det kan forklare ein del av symbola i handverkskunsten. Ho tek spesifikt føre seg Stålekleivloftet og tolkar dei symbola ein finn der

Kl. 16.00 Tur til Stålekleiv med Magne Ljosdal som fortel. Dei som blir med må pårekne ein liten rusletur i bratt terreng frå parkeringa til Lårdalstigen, så ha med deg høvelege klede og sko.

AKTIVITETAR
Mogleg å køyre hest og vogn med Museumsbonden Daniel
Papirklipping i skulestoga
Skattejakt med oppgåver ein må løyse
Johannes Grøstad Barstad er i Liosmia og smir detaljar til Stålekleivloftet
Stolpane til formidlingsbygget for Stålekleivloftet vert hogge til med bile
Slusing i kanalparken
Laftesett for dei som vil byggje hytte
Langbogeskyting
David Hauer sit og jobbar i eit lite urmakeri
Open stavkyrkje med omvisar kl. 11.00, 13.00 og 15.00

Museet og kafeen har ope kl. 10.00-17.00 som vanleg. Full sundagsbuffé i kafeen frå kl. 13.00 denne dagen! 

Vi vil også minne om dei flotte samlingane i sjølve museumsbygget, utstillinga «LandSkapLand» og salsutstilling av kunstnaren Mona Stenseth.

INNGANG FAMILIEDAG: Vanleg museumsbillett