Frå papiravis til Snapchat - mediebruk i endring og kva det betyr for oss

Om

Visste du at berre 1 av 3 nordmenn les papiraviser dagleg, eller at sosiale medium er den mest brukte kjelda til nyhende blant born og unge i dag? Mediebruken er i rask og omfattande endring, frå den tradisjonelle papiravisa til internett, bilete og video.

Vi lurar på kva endringane har å seie for oss? Korleis påverkar det journalistikken, og kva saker journalistane vel å løfte fram? Kva med lokalavisene? Og kva vil skje med skriftspråket vårt, når video og bilete dominerer? Vi har invitert tre erfarne og dyktige journalistar til å drøfte desse, og andre aktuelle spørsmål.

- Line Omland Eilevstjønn - journalist i Nationen.
- Øystein Øygarden- redaktør i Vest-Telemark Blad.
- Richard Aune - journalist i NRK-Telemark.

Debattleiar: Johs Apold - tidlegare journalist i NRK.

Velkomen til ein spennande debatt om eit svært aktuelt tema!

Medarrangørar: Seljord bibliotek