Jolemesse på Seljord Frivilligsentral

Om

Tradisjonen tru inviterer me til jolemesse på Frivilligsentralen!

Gjennom heile året møtest ei flott gruppe frivillige damer kvar måndag for å strikke, sy og lage dei fine produkta som no blir sette ut for sal og loddes ut. Den innsatsen dei legg ned, både handverket og fellesskapet dei er med på å utvikle, betyr mykje for at me kan halde oppe aktiviteten på sentralen.

I år er det utruleg mykje flott handarbeid å få kjøpt, og i tillegg serverer me jolegraut, bakst, sveler og kaffi. Du kan også kjøpe lodd (10 kr pr stk.) og vere med i trekninga av dei gjevaste handarbeidsprodukta som er laga i år, og andre godsaker.

Jolemessa er ein kjær og viktig inntektskilde for sentralen, og ein fin møtestad i ei travel førjulstid.

Hjarteleg velkomen, både liten og stor!