Kviteseiddagen 2025 - i husmannens teikn

Om

Etter fem år med utruleg mange dugnadstimar, er no heile verket om husmannsplassane i Kviteseid ferdig.

På Kviteseiddagen i år blir sjette og siste boka i serien om husmannsplassar i Kviteseid lansert. Denne boka omfattar Haukom og Moen krinsar i Sundbygdi i Kviteseid.

Husmannen sjølv (Svein Dag Midtsund) kjem på besøk. Med utsegna «Me hadde lite, men visste kva som var mykje» vil han fortelje om korleis det verkeleg var å vera husmann.

Mange har bidrege i dette arbeidet, og alle skal få sin velfortente takk for arbeidet dei har lagt ned.

Til å avslutte dagen har vi fått med duoen Haugeland & Gautefall. Duoen består av Lisa Haugeland og Herman Gautefall som no gjort Haukomgrendingar av seg. Duoen spelar tøffe slåttar frå Telemark og Agder, og i friske arrangement tek dei vare på tradisjonen og det særmerkte i musikken.

Tidspunkt: Sundag 31. august kl. 13.00

Inngangspengar: kr. 100, born under 16 år gratis

Sal av graut, is brus og kaffi