"Markens grøde og skogens ro i Vigdis Hjorths bøker" - foredrag med Vigdis Hjorth

Om

Møt forfattar Vigdis Hjorth i Seljord. Hjorth er ein av våre mest profilerte og produktive samtidsforfattarar, sidan debuten i 1983 har ho gjeve ut ei rad bøker, over 35 i talet. Ho har fått mange prisar i løpet av karrieren, nå seinast nominert til den prestisjetunge National Book Award i USA. Vigdis Hjorth er kjent for å skrive nært på eige liv, ho har ord på seg for å skrive erotisk, politisk og å ta opp eksistensielle spørsmål om menneskets livsval og –meining i romanane sine.
Men Hjorth har også ei praktisk tilnærming til livet, ho har m.a. skrive ei faktabok for barn om ville planter ein kan ete. Og Lotte Bøk, hovudpersonen i romanen «Lærerinnens sang» frå 2018 , har eit sterkt forhold til skogen og den fysisk naturen, ho er ein sankar og er veldig opptatt av nyttevekstar. Når Vigdis Hjort kjem til Granvin, er det for å snakke om «Markens grøde og skogens ro i Vigdis Hjorths bøker». Kanskje vi nå blir kjent med ei litt anna side av forfattarskapen (og forfattaren) enn den vi oftast ser i media?
Arrangementet er støtta av Nasjonalbiblioteket i samband med Bokåret 2019.