Bufjordstigen på Dalen

Om

LETT TUR med kultur, historie og fiske.

Turen startar på Dalen Bryggje, eller Lastein bryggje (legge stein i la). Her var utskipingsplass for den kjende brynesteinen frå Eidsborg, Noregs eldste eksportartikkel. Du passerar ei fin badestrand og går vidare over Eidsborgbekken. Turen går no forbi Tangane, eit viktig friluftsområde med idyllisk furuskog. Her får du innsyn til Dalen Hotel frå hagen. Soria Moria sauna blenkjer som eit smykke i Bandak. 

Tokkeåi kryssar du via ein ”hoppeterskel” i stein.

På Buøy fylgjer du natursti gjennom ein fascinerande "jungel" der ein fleire stader kjem ned til elva med fine fiskeplassar og ei rikhaldig beverstamme. Fiskekort for Tokkeåi og Bandak får du kjøpt på turistkontoret. 

Turen går attende gjennom Dalen sentrum, med ei intim handlegate, blomstertorg, butikkar, kafétilbod og Tokke kommunehus med skulpturar av Anne Grimdalen og Charles Michalsen og kommunestyresal kledt i brynestein. 

Tilgang: april til oktober 

Høgste punkt: Dalen 72 moh 

Skotøy: valfritt