Soria Moria Sauna

Om

BOOK SORIA MORIA  

Badstoga kan leigast for 2 timar av gangen. Pris oppgitt er totalpris for 2 timar, ikkje pr person. Vel priskategori utifrå kor mange de er når du bookar. 

1-5 personar kr. 300,-
6-10 personar kr. 600,-
11-15 personar kr. 900,-

Presisering av hygienereglar:
- Alle må dusje før ein går inn i badstoga!
- Personar med symptom på luftvegsinfeksjon (hostar eller nys) har ikkje adgang.
- Ha på badetøy og sitt på handkle på benken!

For alle
Soria Moria skal vere eit samlingspunkt for alle – ein stad for kvile og refleksjon, for møte og samtale. Det vere seg lokalbefolkninga som arrangerar saunakvelder, hotellgjesten som kan rusle i slåbrok gjennom parken, vandraren som kjem ned frå fjellet eller den slitne syklisten etter å ha tråkka oppover kanalen. 

Kor ligg badstoga? 
Badstoga ligg nydeleg til på Dalen i Telemark, ved innsjøen Bandak. Sjå kartet her 

Parkering på p-plass for friluftsområde i Markensvegen, så går du ned siste stykket fram til badstoga (200 meter). Parkering nede ved badstoga for rørslehemma etter avtale. 

Kva må ein ha med?
- Handkle, gjerne to, så har du eitt å sitje på i badstoga og eitt til å tørke deg med 
- Badetøy
- Badekåpe om du har (det er 200 meter å gå frå sanitærbygg med dusj/toalett og ned til Soria Moria) 
- Badesandaler/sko 
- Pose til vått badetøy og våte handkle 
- Lue til etterpå viss det er kaldt
- Drikkevatn
- Lommelykt til mørke haust og vinterkveldar kan vere lurt 

Kor mange er det plass til?
Soria Moria har plass til maks 15 personar pr booking (då er det kanskje ein fordel å kjenne einannan godt!)

Gåvekort Soria Moria
Ynskjer du å gje Soria Moria tid til nokon du er glad i? Sjå bookingkalenderen vår! Kontakt oss på e-post info@visitdalen.com eller tlf. 35 07 56 56 om du har spørsmål.  

Kor hentar eg og leverer nøkkelen?
Det vil du få informasjon om på e-post når du har booka tid. 

Kan ein drikke alkohol i badstoga?
Ja det er tillatt i moderate mengder inne i sjølve badstoga når du har booka den, men ikkje ute.

Er det toalett og dusj i badstoga?
Nei, ikkje i badstoga, men me har eit sanitærbygg ca. 200 meter frå Soria Moria, ved parkeringsplass der du går ned til badstoga (sjå kart). Her er det dusj med varmt vatn, toalett og handikaptoalett. Nøkkel til sanitærbygget får du saman med saunanøkkelen. 

Korleis blir badstoga varma opp?
Badstoga varmast opp av ein Harvia elektrisk badstogeomn med effekt på 33kW. 

Me sørger for at badstoga er slått på og god og varm til du kjem! 

Sosiale media 
Om du postar bileta dine frå sauanopphaldet på sosiale media og brukar #soriamoria #soriamoriasauna #visitdalen blir me veldig glade, og me kan love deg mange likes! 

Velkommen! 

https://www.facebook.com/visitdalen/

https://www.instagram.com/visitdalen/