Rørtveit Gard

Om

I det historierike landskapet med styvingstre, tufter og steinsetjingar frå mange generasjonar tilbake driv folket på Rørtveit med Telemarkskyr, kjøttfe, farga spelsau og norsk kvit sau. Dei har også utegåande lykkelege grisar, gjetarhundar, høner og hest.

Det unge paret på Rørtveit i Flatdal har genuin interesse for kulturtradisjonar, dyrevelferd og matprodukt av høg kvalitet. Denne interessa delar dei med generasjonen over, som også deltar i gardsdrifta og brenn for å formidle kunnskapen. Du får innsikt i korleis landskapet er prega av gardsdrift og dyrehald, og høyrer historiar om dette.

Du kan delta i gardslivet med dei  mange gjeremåla gjennom sesongane og lære om samspelet mellom folk og dyr. Dyra er svært tamme, og er opplærte til å koma når ein lokkar på dei.  Lokking er som ein ropande song, og er ein gamal tradisjon – dette kan du vera med på.

Om våren flytter sauene ut på fjellbeite og om hausten blir dei henta att. Om du vil vera med på flyttinga bør du vera i god fysisk form og i stand til å gå ei mil i fjellterreng i rask gange. Alle besøk blir skreddarsydd etter ønske. Ta kontakt for avtale.