Kunstreise Seljord

Velkommen til Kunstreise Seljord - ei kunstreise mellom dei tre galleria; Kunstlåven i Seljord, Nutheim Kunstsenter i Flatdal og Eva Bull Holtes Museum i Åmotsdal. 
På kvar stad kan ein kjøpe gjennomgangsbillett for kr 150,-. Denne gjeld på alle tre galleria same dag.

Om dei tre galleria:
 

Eva Bull Holtes Museum

Eva Bull Holtes Museum ligg i Åmotsdal og stiller ut mange av Eva Bull Holtes verk i tillegg til å ha ein nye gjesteutstillare kvart år.
Gjestutstillar 2025: Ellen Karin Mæhlum (biletkunstnar og grafikar).
Handverkstunet: Smakbitar frå Margit Liens antikvitetssamling, utlånt frå Vest Telemark Museum.

Nutheim Kunstsenter

Nutheim Kunstsenter - med age for det gamle og giv til det nye.
Nutheim kunstsenter skal vera eit kraftfelt for kunst og kultur i regionen og arrangere konsertar, kurs og kuraterte utstillingar av høg kunstnarisk kvalitet.
Sommarutstilling 2025: Terje Grøstad 100 års-jubileum.
Utstillinga i låven og kjellargalleriet viser arbeid frå Terje Grøstad (1925 -2011) sitt mangfaldige kunstnarskap med måleri, grafikk og kyrkjekunst.

Kunstlåven

Kunstlåven i Seljord har årleg gjesteutstillingar, med nye utstillare kvart år.
Sommarutstillinga 2025:
Verk frå 10 kunstnarar, alle medlemmer av Norske Kunsthandverkarar. Utstillinga er eit samarbeid med Norske Kunsthandverkarar Region Sør og markerer deira 50-årsjubileum. Dette blir ei mangfaldig og inspirerande utstilling som viser breidda av kunsthandverket i vår region.
Det blir også ein utstilling i samarbeid med Seljord husflidslag som viser Korgtradisjonar i Noreg. 
Minneutstilling: Knut Flatin
Utstilling til ære for Knut Flatin, som i år ville fylt 80 år. Dette blir ei minneutstilling over hans kunstnariske virke. Publikum vil få oppleve verk frå heile hans karriere, inkludert fleire som aldri før har vore viste. 

Du kan lese meir om kvar einskild utstilling under.