Sesongopning av Vest-Telemark Museum Eidsborg 2020

Om

Ein viktig del av bunaden er forklebanda. I denne utstillinga fokuserar me på plukkebandteknikken. Dette er ein tradisjon som går attende til 1700-talet med eit stort mangfald av mønster og fargar – ulike frå region til region. Men no er det færre som vev og dei som kjøper bunad er ikkje alltid så nøye på kvar banda kjem frå. Har du eit handvove band eller eit fabrikkvove? Eli Vesaas og Sigrunn Lie Brattekås har arbeidd med bok om plukkeband, og særskild sett på tradisjonen i Vest-Telemark – men også Aust-Telemark og Midt-Telemark. VTM har samarbeidd med dei om å gjere ei utstilling og på opninga vil me presentere denne. Knut Buen og Ellen Nordstoga kjem også og fargelegg programmet musikalsk.

Elles opnar også museet ny knivutstilling og ny fast utstilling av Fellandsamlinga. Aanund Felland (1915 - 1997) frå Mo var ein ihuga samlar av biletkunst, folkekunst, brukskunst og antikvitgetar.  Samlinga har no fått permanent utstillingsplass i Eidsborg. Ei samling som inneheld mangt og mykje og er stilt ut på ein spanande måte der historiar vert fortald ved hjelp av ljos.

13.00    Ellen Nordstoga opnar med ord om handarbeidet og Ved håndarbeidet av Claus Friman

13.10    Sigrunn Lie Brattekås kåserer om bunadsband og arbeidet med boka

13.30     Knut Buen spelar og fortel

13.50     Olav Felland presenterer samlaren Aanund Felland

14.15     Knut Buen avrundar programmet

14.20     Slutt

Etter programmet vert det omvisingar i utstillingane og kafèen serverer buffet.

Museet opnar 11.00 og er ope til 17.00.

Vel møtt til ny museumssesong!

Museet har dagleg ope frå 1.mai. Sjå www.vtm.no