Vårmarknad 2018

Om

Velkomen til Vårmarknaden 25.-26. mai!

Vårmarknaden på Dyrskuplassen i Seljord er staden å gå for om du er på leit etter antikvitetar, motordelar til den gamle bilen din, eller om du er på utkikk etter noko heilt spesielt. Her kan du finne alt du treng - og litt til.

Med veteranvognutstillingar, sal av gamle skattar og ein rekke andre aktivitetar, er dette ein flott arena for både store og små. Plassen blir fylt opp av nær 250 utstillarar som sel nyttige og unyttige ting til ein rimeleg penge. Her kan du gå på skattejakt og gjere eit skikkeleg kupp om du er heldig!

Det er langt frå Telemarkskua når Dyrskuplassen fyllast med nærare 150 bilar i veteranbilklassa. Medarrangør Vest-Telemark Motorhistoriske Klubb står ansvarleg for veteranbiltreffet og ser fram til vurdere og sjå dei staselege doningane. Dei vil rangere og premiere bilane, og lover flotte premier i kvar klasse. Leiar i Vest-Telemark Motorhistoriske Klubb, Stein Larsen, oppmoder alle om å stille i tidsriktige klede og køyretøy eldre enn 30 år.

Vi ynskjer velkomen til utstillarar innan bil/motor, brukt og antikk/vintage/retroprodukt, til standplassar både ute og inne. Alle får plass, om du driv med sal på hobbybasis eller profesjonelt. Born under 12 år får gratis stand for sal av leiker, bøkar, sportsutstyr m.m. på eige område. Det vil ikkje vere mogleg å førehandstinge standplass, men du sikrar deg ein plass ved personleg oppmøte.

Vi håpar å sjå deg, om du er utstillar eller publikum på jakt i Telemarks største skattekammer!