Aslaug Vaa og "den poetiske tenking" - foredrag med Stein Versto.

Om

Versto seier om Aslaug Vaa at ho såg på seg sjølv som eit verktøy i diktinga, og kalla arbeidet sitt for "poetisk tenking". Ho skriv, i diktet Det lydde eit bod:
Sjølv er du ingen
– du einast er staupet
som fører drykkjen
til tyrstande munn.
Såleis knyter Vaa seg til ein gamal tradisjon, det som har vore kalla tidlaus visdom. Her ser ein kunstnaren som eit verktøy for noko som er djupare enn personen sjølv, og dette har overføringsverdi til oss alle.
I foredraget sitt vil Stein Versto syne fleire døme på dette i Aslaug Vaas tenking og dikting, og lesa frå diktsamlinga hennar, både kjende og mindre kjende dikt. Arr. Biblioteket, Seljord kunstforening og Seljord mållag.