Burns på dialekt

Om

Dikt av den skotske nasjonaldiktaren Robert Burns har blitt omsett til klingande Vest-Telemarkdialekt. Kvedarane Åsmund Nordstoga og Ingebjørg Lognvik Reinholdt, den skotske felespelaren Sarah Jane Summers, gitarist Juhani Silvola og bassist Morten Kvam kan love nye friske arrangement med skotske folketonar og slåttar – alt på vest-telemål. «Burns har i hovudsak vore omsett til standard skriftspråk, om enn hovudsakeleg til nynorsk. Men Burns skreiv på dialekt, og bruken hans av dialekt var eit viktig «statement» for å gje prestisje og kraft bak språket til vanlege menneske, som sto utanfor den kulturelle eliten. Dette var faktisk eit hovudbodskap i heile romantikken, og Burns var ein av nybrotsmennene for denne tanken; han er ein periferiens mann som lyfter fram periferiens kultur i konkurranse med sentrumskulturen.