Konsert med Elin Furubotn og Torbjørn Økland

Om

Velkomen til konsert på Vest-Telemark museum i Eidsborg.

Nordmenn har høyrt mange av Elin Furubotns songar gjennom radiokanalar som NRK P1 og P2, og mest kjend er kanskje duetten ho gjorde saman med Morten Abel og Stavanger symfoniorkester: «Så lett det kan ver» (2014).

I februar 2020 kom jubileumsalbumet «Blikk» som var hennar åttande album. Albumtittelen peikar mot den raude tråden i tekstane til Elin. Å sjå innover eller utover, eit skråblikk på dagen der ho syng om små og store ting. Hennar tidlegare yrkesbakgrunn som psykiatrisk sjukepleiar og terapeut har gjett henne stor innsikt i menneskepsyken, og ho har erfart at mange strevar med perfeksjonisme og mykje alvor. Elin ynskjer å formidle håp. Fortelje at skrammer er fint. At bekymringar ikkje har hjelpt nokon, og at det er sunt å leike meir.

Furubotn turnerer mykje over heile landet saman med multimusikaren Torbjørn Økland (Vamp). Dei har hatt ei rekke konsertar saman og høsta strålande kritikkar. Songane til Elin handlar ofte om det kvardagslege – med ei god dose humor, men òg alvor og undring. Det er umogleg å ikkje fylgje med under konsertane, der formidlinga står sentralt, med tekstar til å kjenne seg att i og gode, nynnbare melodiar.

Elin har også gjeve ut album og turnert i Tyskland, og fått en internasjonal pris i USA (Indie Award) for albumet Heilt Nye Vei (2013).

Inngang: 200,-

Student/honnør: 150,-