Musikkbingo: In Rock Vol.2

Om

I 2024 skrudde me opp volumet og køyrde In Rock. No gjer me det igjen. Høgare, tyngre og endå litt mindre kontroll. Dette er oppfølgjaren – men du treng ikkje ha vore der sist for å vere med no.

Rockeentusiastane Jo Henning Kaasin (KAASIN) og Geir Jensen (WE) slår seg saman igjen og inviterer til ein kveld med rock, metall, historier, bingo og sikkert eit og anna feilspor.

Saman presenterer dei favorittane sine frå rockeverda. Det blir store riff, klassikarar, kanskje noko du ikkje hadde forventa – og heilt sikkert eit par guilty pleasures. Det blir seriøse innspel, skrøner frå verkelegheita og ein god del tøys og vas.

Dette er ein rockekveld.
Me kjem til å spele høgt.

Kanskje Jo Henning tek med gitaren igjen? Vi får sjå

Vors frå 19.00
Bingostart 20.00
Pizza og varm mat
Baren er open
18 år