Olav Bjaaland 150 år

Om

I år er det 150 år sidan Olav Bjaaland blei født. Ta turen innom Norsk Skieventyr i Morgedal og bli betre kjend med denne spanande polfaraen og skiløparen!

Han fekk sine første ski tre år gamal. Han fekk opplæring i skigåing av dei vidgjetne Hemmestveit-brørne. Ti år gamal vann han sin første skipremie. Som 29-åring fekk han kongepokalen, og han imponerte som skihoppar på det berømte vinterstemnet i Chamonix i 1909.

Men korleis kom Olav Bjaaland til å bli del av Roald Amundsen sin berømte sydpolferd i 1911? Kva rolle hadde han under ekspedisjonen, og kvifor bad Amundsen Bjaaland om å gå som førstemann til polpunktet? Kor mykje tydde han for at turen blei ein suksess? Kvifor blei det han som i høg alder fekk æra av å tenne fakkelen i Morgedal før vinter-OL i 1952?

5. mars er det 150 år sidan skihelten Olav Bjaaland kom til verda i Morgedal. Få med deg føredraget av forfattar Halvor Kleppen om Bjaaland sitt eventyrlege liv!

Kafeen har ope for servering mellom kl. 15:00 og 17:00.
Meny: urtemarinert svinesteik (svin frå Bjåland gard), hasselbakte jordeple og norske grønsaker til. Dessert vert tilslørte bondepiker med eple og pærer frå Kviteseid. Pris kr 395,- inkl kaffi. Ingen førehandstinging.

Det vert sal av relansert bok: Olav Bjåland - idrottsmann og polfarar. Boka er frå 1945 og har vore utseld i mange år. 
Pris kr 198,- 
Inngang: Kr. 150,- (Billettar i døra)
Om du ynskjer både inngang til foredraget og bok har me samlepris på kr 300,-