Sykkeltur langs elva i Hjartdal

Om

Startpunkt: Nordbø Pensjonat 
Vegomtale:  Frå Nordbø Pensjonat tek du til venstre og syklar vestover på gang- og sykkelvegen langs fylkesveg 3364. Etter 250m kjem du til krysset som viser opp til Hjartdal kyrkje. Her fylgjer du sykkelpiler til venstre, over gamlebrua og kryssar fylkesvegen mot Flatland. Her startar Stuvøyruta. Strekningen passerar fleire gardstun, har ein del beitedyr innafor område som er avgrensa med gjerde-le og ferister. Det er viktig at du viser omsyn til både folk og fe på strekningen!

Du fylgjer gardsvegen framom Flatlandgardane og vidare langs elva, med lett stigning oppover i skogen. Når du kjem til nedatt til elvelandskapet på Stuvøy, tek ei ny sykkelbru deg over Trainbekken, flaumbekken som kjem ned frå det bratte fjellet. Om du vil ta ein kvil og ein avstikkar, kjem Stuvøyfossen ned i det mørke gjelet like på oversida av sykkelruta. Etter Stuvøy fylgjer du jordekanten og deretter gardsvegen mot Train. Ved Bruluten kjem du ut att på fylkesvegen. Her kan du enten ta til venstre, vestover tilbake mot Nordbø, eller du kan svinge til høgre og fylle på med litt proviant hos Joker Hjartdal like borti vegen. Derifrå har du fleire val. Du kan trille over den lange Gvammensletta og fylgje sykkelskiltinga mot Prestodden rasteplass. Der kan du bade eller ta ein rast med nyinnkjøpt proviant i gapahuken på Sagbrukstomta. Eller du kan ta ein villblomvegavstikkar langs Øverbøruta.
 

Avstand: 7,5km (Nordbø – Stuvøy – Prestodden – retur fylkesveg)