Soria Moria Sauna

Om

Soria Moria er eit kunstverk av ei badstoge – blinkande som eit smykke i Bandak!

Book badstoga her! 

Inspirasjonen til badstoga er henta fra omkringliggande landskap og historie. Bygget sin karakteristiske silhuett er ei tolkning av dei skrånande fjellsidene som forsvinn ned i Bandak. Kledningen av spon er inspirert av lokal byggjeskikk og innimellom trespona blinker det av gull.

«Gullsponen refererar til kontrasten som oppsto mellom lågmælte telemarkingar og overdådig utanlands overklasse under etableringa av Dalen Hotel på slutten av 1800- tallet» forklarar arkitekt David Fjågesund i Feste Landskap/Arkitektur. http://www.feste.no/soria-moria

Landskapet rundt vil opplevast som dramatisk anten ein vel å sitje høgt oppe under taket der temperaturen er på sitt varmaste eller på den lågare plasserte benken. Og skulle ein bli for varm, vil ein dukkert i Bandak garantert vere avkjølande!

For alle

Soria Moria skal vere eit samlingspunkt for alle – ein stad for kvile og refleksjon, for møte og samtale. Det vere seg lokalbefolkninga som arrangerar saunakvelder, hotellgjesten som kan rusle i slåbrok gjennom parken, vandraren som kjem ned frå fjellet eller den slitne syklisten etter å ha tråkka oppover kanalen. 

Kor ligg badstoga? 
Badstoga ligg nydeleg til på Dalen i Telemark, ved innsjøen Bandak. Sjå kartet her 

Parkering på p-plass for friluftsområde i Markensvegen, så går du ned siste stykket fram til badstoga (200 meter). Parkering nede ved badstoga for rørslehemma etter avtale. 

Kva må ein ha med?

- Handkle, gjerne to

- Badetøy

- Badekåpe om du har 

- Badesandaler eller ullsokkar på vinteren om ynskjeleg  

- Pose til vått badetøy

- Lue til etterpå viss det er kaldt

- Drikkevatn

Kor mange er det plass til?

Soria Moria har plass til maks 15 personar (då er det kanskje ein fordel å kjenne einannan godt)

Kva er prisen?

Badstoga kan leigast for 2 timar av gangen: 

1-5 personar kr. 250,-

6-10 personar kr. 500,-

11-15 personar kr. 750,-

Drop-in onsdag kr. 50,- pr. pers.

Korleis bookar eg?

Du bookar badstoga her

Bestilling og avbestilling 12 timar før. Alle tidspunkt og datoar er oppdatert i kalenderen. Når du har booka får du ei stadfesting på e-post der du får meir informasjon om nøkkelhenting og anna praktisk informasjon. Badstoga er open for booking mellom kl. 08.00 og 24.00, med siste bookbare klokkeslett 22-24, bortsett frå onsdag då er den open for booking mellom kl. 08.00-15.00, og laurdagar fram til 25.04.20 før og etter drop-in tid. 

Må eg booke til Drop-in?
Nei. Då møter du berre opp. Drop-in onsdagar kl. 15.00-21.00. NYTT: Drop-in også laurdagar fram til 25.04.2020 kl. 10.30-15.30

Korleis betaler eg?

Når du legg inn bestilllinga i bookingkalenderen, betalar du direkte med kort her. 

Viss du kjem på Drop-in betalar du kr. 50,- til Vipps nummer 550539 (Soria Moria sauna) før du går inn i badstoga, evt legg pengar i kasse på vegg i omkledingsrommet. 

Gåvekort Soria Moria
Ynskjer du å gje Soria Moria tid til nokon du er glad i? Kontakt oss på e-post info@visitdalen.com eller tlf. 35 07 56 56 så ordnar me det for deg! 

Kor hentar eg og leverer nøkkelen?

Det avtalar me når de har booka tid og tatt kontakt. 

Kan ein drikke alkohol i badstoga?

Ja det er tillatt i moderate mengder inne i sjølve badstoga når du har booka den, men ikkje ute.

På Drop-in dagar er det ikkje tillatt med alkohol i badstoga.

Er det toalett og dusj i badstoga?

Nei. Sanitæranlegg på Tangane som ligg ca. 200 meter frå Soria Moria, ved parkeringsplassen der du går ned til badstoga. Dusj, toalett og handikaptoalett. Nøkkel til anlegget får du saman med saunanøkkelen. 

Korleis blir badstoga varma opp?

Badstoga varmast opp av ein Harvia elektrisk badstogeomn med effekt på 33kW. Me sørger for at badstoga er slått på og god og varm til du kjem! 

Sosiale media 

Om du postar bileta dine frå sauanopphaldet på sosiale media og brukar #soriamoria #soriamoriasauna #visitdalen blir me veldig glade, og me kan love deg mange likes! 

Velkommen! 

https://www.facebook.com/visitdalen/

https://www.instagram.com/visitdalen/