Telemarkfestivalen 2025 | Anne, Jon og Anders

Om

Anne Gravir Klykken, Jon Solberg & Anders Røine
Fredag 8. august 2025
Konsertlåven i Nordbøvegen 10, kl. 17:00
285,- inkl. bill.avg.

To konsertar i ein!  
Jon og Anne er klare med ny musikk!
Jon Solberg og Anne Gravir Klykken er glade i dialektar, språk, lokalhistorie og det nære knytt til bygdeliv og natur. Duoen tek utgangspunkt i eldre opptak med ulike folkemusikkutøvarar frå Telemark, som igjen leggjast til grunn for nyskrive tekstar og melodiar. I 2022 gav dei ut plata «Et ønske» til strålande mottaking. I år ryktast det om ny musikk frå denne flotte duoen! 
Norsk folkemusikk møter amerikansk folkemusikk med Jon og Anders!
Jon blir verande og Anders Røine kjem til. Dei er gode spelkameratar som har følgd kvarandre med spennande musikalske prosjekt i mange år. I år er dei aktuelle med ein heilt ny konsert som trekkjer liner mellom norsk og amerikansk folkemusikk. Jon sine sjølvskrivne tekster og melodiar er drivkrafta i konserten, der norsk og amerikansk folkemusikk smeltar saumlaust saman. Både Jon og Anders har òg ein felles fascinasjon for Hank Williams, og Anders har oversett eit utval Hank Williams-låtar som framførast med langeleik og Anders' distinkte vokal slik berre Anders kan i heile verda.

Medverkande:
Anne Gravir Klykken – vokal
Jon Solberg – vokal og div instrument
Anders Erik Røine – vokal og div instrument

Velkomen!