Strategi 2020 til 2022

Strategiar og langsiktige planar for 2020-2022

Stiftinga Vest-Telemark Museum skal sikre eit stabilt og mangfaldig kunst- og kulturtilbod med vekt på kunstnarleg og fagleg kvalitet, og at materiell og immateriell kulturarv frå fortid og samtid vert bevart og gjort tilgjengeleg for ettertid.
Stiftinga Vest-Telemark Museum skal stimulere til ivaretaking og nytenking ved bruk og utvikling av lokale ressursar.
Dette skal skje ved å gje kunnskap om, forståing for og oppleving av kultur- og kunsthistoria til Vest-Telemark på ein måte som viser både kontinuitet og endring, samanheng og forskjell.
Vest-Telemark Museum skal
-trygge og auke driftsgrunnlaget for verksemda, sikre gode arbeidstilhøve og fysiske rammevilkår.
- arbeide målretta for å betre katalogiseringa, sikringa og bevaringa av samlingane.
- leggje til rette for forsking og formidling i tilknyting til samlingane.
- nå ut til alle grupper med særskild vekt på barn og unge.
- halde vedlike sine bygningar og kulturlandskap for ettertida.

Resultatmål drift og utvikling
Vest-Telemark Museum skal trygge og auke driftsgrunnlaget for verksemda, sikre gode arbeidstilhøve og fysiske rammevilkår.
•    vidareutvikle Norsk Skieventyr og VTM – Eidsborg som faglege og opplevingsmessige fyrtårn
•    arbeide for nytt regionalt kunstmuseum med magasin og utstillingsareal etter museumsfaglege standardar
•    utvikle kafè- og anna salstilbod, auke samla salsinntekter til kr. 4 mill. i 2020
•    prioritere marknadsarbeidet og setje av 2 % av driftsbudsjettet til dette
•    styrke faglege ressursar innan formidling, vedlikehald og kjeldearbeid  
•    gjennomgå organisasjonsplan og ansvarsområde
•    kurse og vidareutdanne personalet
•    vere aktiv deltakar og utviklar av faglege nettverk
•    vidareutvikle HMS/IK-planarbeidet

Resultatmål samlingsarbeid
Vest-Telemark Museum skal arbeide målretta for å betre katalogiseringa, sikringa og bevaringa av samlingane.
•    drifte fellesmagasinet for VTM og samlingane på alle einingar
•    følgje klare rutiner for god samlingsforvaltning i samsvar med standarden SPECTRUM
•    prioritere revisjon av gjenstandsregistreringane
•    følgje vedteken samlingsforvaltningsplan for VTM
•    gjennomføre ei restriktiv innsamling med prioritering av dei tematiske satsingsområda folkekunst og skikultur, 1900-talsmateriale
•    gjere samlingane fortløpande tilgjengeleg for publikum, særskild gjennom DigitaltMuseum

Resultatmål forsking og dokumentasjon
Vest-Telemark Museum skal leggje til rette for forsking og formidling i tilknyting til samlingane.
•    prioritere oppfølging av faglege førespurnader innan våre fagfelt
•    stimulere til forsking innan våre fagfelt gjennom å setje av eigne ressursar og utarbeide problemstillingar for masterstudentar og andre
•    vidareføre stipendordninga for forsking på kultur- og kunsthistoriske tema frå regionen
•    stille våre kjelder digitalt tilgjengeleg

Resultatmål formidling
Det samla museumstilbodet skal nå ut til alle
•    utvikle og produsere utstillingar, aktivitetar, arrangement og publikasjonar som stimulerer til oversyn, forståing og kritisk refleksjon
•    legge museets faste arenaer til rette for publikum generelt, og grupper med særskilde behov spesielt
•    prioritere aktivitetsbasert læring basert på fysisk rekvisittbruk, audiovisuell/digital stimulering og bruk av sosiale medium
•    vektlegge pedagogisk tilrettelagt formidling til born, unge og innvandrarar og samarbeid med undervisningsinstitusjonar, vaksenopplæring og DKS
•    utvikle heimesida som informasjons- og formidlingskanal for museet
•    lære opp sesongtilsette formidlarar og utarbeide/fornye guideressursar

Resultatmål vedlikehald og sikring
Vest-Telemark Museum skal halde vedlike sine bygningar og kulturlandskap for ettertida.
•    gjennomføre prioriterte vølingar antikvariske bygg og kulturlandskapstiltak
•    utarbeide vedlikehaldsplan med oversyn over treg, prioriteringar og løysingar
•    etablere ei realistisk rullering for vedlikehaldet
•    styrke kompetansen innan bygningsvern
•    følgje opp vedteken sikringsplan og rutiner