Ingen annan stad kan du finne så mange mellomalderhus i tre som i Vest-Telemark.
Her er bevart mykje etter den gamle bondekulturen, og frå handverket og folkekunsten som blømde frå 1700-talet og framover.
På våre friluftsmuseum – og i utstillingane – kan du studere denne kulturen i arkitektur, interiør, reiskap og bruksgjenstandar.
Interiøret i den flotte Juvestoga blei måla i 1799 av den kjende rosemålaren Olav Torjusson. Stoga kjem frå garden til «juvekongen» Olav Halvorsson i Øyfjell.
Korleis såg ein velståande gard i Vest-Telemark ut for om lag 200 år sidan? Sjå nokre av dei finaste stabbura i heile Telemark! Her er også ei skulpturutstilling etter Gunnar Utsond.
Bygdetunet visar overgangen til ei ny tid med interiør etter 1800-talets bymote i Mostøylstoga. Det unike museumsbygget frå 1930-talet har ei rik samling med reiskap, drakter, rosemåling, husgeråd og ymse snurrepiperi.
Heimen til bilethoggaren Anne Grimdalen er den best bevarte komplette fjellgarden i Telemark. Dei eldste husa er frå 1600-talet. Rett ved finn du óg eit moderne skulpturgalleri med mange av Anne sine skulpturar, kunstutstillingar i underetasjen og Draumkvedet-måleri av Karl Erik Harr.
Fyresdal Bygdemuseum blei skipa i 1909 og er eit av Noregs eldste bygdetun. Her er gravhauger frå 400-talet og gardshus frå mellomalderen og framover. Bjørnstadstoga frå 1600-talet vart bruka som tingstoge.
Er loftet til sagnomsuste Åse Stålekleiv eit av verdas eldste verdslege trebygg?
Loftet på Uppistog Vindlaus, ein del av Vest-Telemark Museum i Eidsborg, er ikkje som alle andre loft. Det har nemleg ei heilt spesiell historie. Ei lang historie.
Sjarmerande lita stavkyrkje. Ligg ved fantastiske Vest-Telemark museum Eidsborg. Omvising tre gonger dagleg i høgsesong. Utanom høgsesong er det omvising etter behov/avtale.
for å legge til et produkt i reiseruten.
.png){kind=icon}
.png){kind=icon}
