«Akkurat her, akkurat no!» Ingebjørg Lognvik Reinholdt & Mattis Kleppen

Om

«Akkurat her, akkurat no» er ein ny konsertproduksjon og ein interaktiv folkesongkonsert som tek sikte på å vere ny kvar gong konserten framførast. Kvedaren Ingebjørg Lognvik Reinholdt vil nytte sitt store repertoar og sin kunnskap om kulturhistoria rundt – og ikkje minst historiene som finst inni songane – som utgangspunkt for ei song- og forteljarstund der publikum vil bestemme retninga for konserten.  Målet er å skape ein ny konsert kvar gong – og idéen til konserten er inspirert av slike tradisjonelle songstunder som det diverre vert færre og færre av rundt omkring. I tillegg vil konserten opne opp kjende og meir ukjende folkesongar og deira historier til nye publikummarar.

Som medmusikar har Ingebjørg Lognvik Reinholdt fått med seg  Mattis Kleppen. Han er kjend som ein innovativ bassist innanfor folkemusikk, der slåttespel på bass har blitt hans varemerke. Kleppen er òg ein god forteljar og glad i det improvisatoriske og spontane. Samspelet mellom Lognvik Reinholdt og Kleppen – både med tanke på det reint musikalske, men òg det improvisatoriske og spontane – vil utgjere ein spennande utgangspunkt for konsertane.  

Ingebjørg Lognvik Reinholdt
Ingebjørg Lognvik Reinholdt er ein allsidig folkesongar med varm, klar stemme og djup kjennskap til Telemarkstradisjonen. Ho har vore kvedar sidan barndommen, skapt fleire framsyningar – mellom anna Songen om Guro Heddelid for Riksscenen – og gjeve ut 4 album som solist, bl.a. soloplata Klokkur som ringjer deg heim, som vart nominert til Folkelarmpris.. I 2024 var ho programleiar og musikalsk ansvarleg for NRK-dokumentaren Draumkvedet – ein thriller frå mellomalderen.

Mattis Kleppen
Bassist og komponist Mattis Kleppen kombinerer Telemarkstradisjon med impulsar frå Vest-Afrika i si særeigne og nyskapande bassgitarspeling. Med doktorgrad i kunstnarisk utviklingsarbeid, seks eigne album og både Folkelarmpris og Landskappleik-sigrar, er han ein av dei mest særmerkte musikarane i feltet.
Denne kvelden møtest Ingebjørg og Mattis i si felles fascinasjon for Telemarks folkemusikk. Publikum får høyre både groovy dansetakter og vare viser – solo og i samspel – frå eit av landets rikaste tradisjonsområde.
 

Inngangspris: kr. 250,- (Halv pris med museets årskort)
Under 16 år: 150,-
Under 10 år: gratis
Billettar kan kjøpast på museet før konsertstart.
Konserten skjer i samarbeid med Sørnorsk folkemusikksenter.