Museumsbonden i Eidsborg

Om

Daniel Høstberger er bonde i Mo og driv på gamle måten. Han brukar hest og gamalt utstyr, mjølkar for hand og foredlar det han haustar. Om sommaren er han og «museumsbonde» på museet i Eidsborg. Han opparbeider åkrar, sår og haustar. Han har sett opp humlestaur og kornband på staur. 

I løpet av sommaren vert det forskjellige aktivitetar som du kan deltaka i. Hesten vert bruka flittig m.a. til framkjøring av tømmer.

På åkeren kan du finne potet og gulrot, lauk og nepe, gråert og bondebønner, kålrot og kål. Her er byggåker og linåker.

Det er mange som aldri har sett ein linåker og veit heller ikkje kvar lin kjem frå. Daniel kan formidle kunnskap om gamal tradisjon linka opp til dagens bruk av lin. Målet er å ta i bruk badstova på museet for å tørke linet.