Wæthing søndre

Om

Det er ca 4-500 meter å gå ned til Fyresvatn med sine fine sandstrendar og til sentrum i bygda, Folkestadbyen.

Eldhuset er eitt av husa på gardstunet, ein gammal tømmerbygning som no er peisestoge med natursteinspeis, vedovn, sofagruppe, langbord og TV m/parabol. Kjøkkenet har komfyr, kjøleskap, oppvaskmaskin, mikrobølgeovn og spisekrok. Badet har WC, dusj og vaskemaskin.

Eitt soverom med dobbeltseng i 1. etg og eitt soverom i 2. etg. med 6 sengeplassar. Godt drikkevatn frå eigen borebrønn.Terrasse med kveldssol.
Godt merka turløyper både i nærområdet og til mange av dei høgste toppane i bygda. Det er utarbeidd kart både over vandreturane og fiskeguide. ( sjå kommunen si heimeside)

Eldhuset leigast ut frå april og ut november.

Småviltjakt på 2000 da leigast ut saman med eldhuset, bilveg nesten heilt fram til terrenget. Ingen bilveg eller hytter i terrenget.