Opning av sommarutstillinga på Skinnarlandsamlinga

Om

Årets sommarutstilling på Skinnarlandsamlinga viser grafikk av kunstnaren Sverre Bjertnæs og måleri og grafikk signert Ingeborg Stana.

Ingeborg Stana er billedkunstnar og professor i visuell kunst ved Institutt for estetiske fag på OsloMet – Oslo Metropolitan University. Ho har ein Master of Arts frå Kunsthøgskolen i Oslo (tidl. Statens kunstakademi) og Accademia di Belle Arti a Firenze (Det statlege kunstakademiet i Firenze). Stana arbeider på tvers av tradisjonelle og samtidige medier, samstundes som ho forskar på kreativitet og estetiske læringsprosessar.

Sverre Bjertnæs har sin utdanning frå Kunstakademiet i Oslo og Duch Art Institute i Nederland. Han har i løpet av karriera blitt ein ettertrakta kunstnar i Noreg men óg gjort seg bemerka på den internasjonale kunstscena. Bjertnes gjekk tidleg i lære hjå nokon av Noregs mest kjente figurative kunstnarar: Tore Bjørn Skjølsvik (1989-93) og Odd Nerdrum (1993-94).

Tid: Kl. 18.00 den 24. juni.

Utstillinga er elles tilgjengeleg i museets opningstider; tirsdag til sundag kl. 11.00 - 17.00, i perioden 25. juni til 15. august.

Velkomen til opning!