Museumskafé Morgedal

Om

Kafé som er kjend for sin gode, heimelaga mat. 

Kafeen på Norsk Skieventyr tilbyr god mat til hyggelege prisar. Me lagar all maten frå botnen på vårt eige kjøken. Hjå oss er kvalitet og god smak i høgsetet!

Me er viden kjende for dei heimelaga kjøtkakene og den omnsbakte fisken me serverer. Det same gjeld den gode, gamaldagse lapskausen vår. Og på sundagar er flesk og duppe vår hovudrett.

Ynskjer du berre noko lett i farten kan me freiste med smørbrød og salatar. Den gode angen av svele kjenner du med det same du kjem inn døra. Kakene våre er òg heimelaga, saftige og gode. Vår spesialitet er konfektkake, gulrotkake, ostekake og suksessterte. Dei to sistnemnde er glutenfrie!
 

Kafédrift i Morgedal har lang tradisjon

Morgedal Kro og Sondre Kro var kjende stoppestader for køyrande langs tidlegare E76, nå E134. Tradisjonen med eit hyggjeleg lokale, god service og heimelaga mat held fram i dagens kafétilbod i Morgedal.

Du kan velje mellom langbord eller mindre bord med plass til fem-seks personar. Me kan ta imot grupper inntil ca. 70 personar. I sommarsesongen har me uteservering. Nede mot vatnet har me benkar og bord, og der er du velkomen til å slå deg ned om du ynskjer det.

Treng du mat til selskap eller anna? Me leverer mat til små og store hendingar. Merk: Me tilbyr ikkje catering i juli månad.

Ynskjer du å ha selskapet på Norsk skieventyr har me lokale som er mogleg å nytte til ulike samankomstar.

For å få vita meir om vår catering-/selskapsmeny, ta kontakt med matansvarleg Tone F. Gjerjordet,
tlf. 480 28 949.
Norsk skieventyr (Morgedal), tlf. 35 06 90 80, post@vtm.no 

Me har sjølvsagt gratis WIFI, og ligg midt mellom aust og vest like ved E134 som gjer oss til eit praktisk treffpunkt for folk som treng ein stopp.