Moland kulturminneløype

Om

Idyllisk hagebyvandring gjennom sjarmerande smågater og gardstun i sentrum av Fyresdal.

Denne turen er en 3 km lang rundtur i Fyresdal.

På denne turen blir ein kjent med Fyresdal sentrum. Folkestadbyen og bygdetunet Øyskogen med sine 18 gravhaugar og gamle tømmerhus, er noko av det vandrarane passerar.

Turen går også ned mot vatnet og gamle Moland prestegard. Turen er lett å gå og passar fint for ein familie med små barn. Store delar av løypa er tilgjengeleg for rullestol. Nede ved Fyresvatn er det fint å sitje, eller bade om veret er varmt.

Aktivitetar ved Moland kulturminneløype
• Fyresdal bygdemuseum, Øyskogen. Mellomalderhus og gamal gravplass. Husa er opne i sommarsesongen og det er skiftande utstillingar. Landsbyen, Folkestadbyen, i Fyresdal sentrum var eit handels og handtverksentrum i kyrkjebygda som voks fram i 1870 åra. I løpet av 40 år kom det opp mest 40 bustader i eit lite avgrensa område. Tettstaden fekk namnet Folkestadbyen. Dei gamle husa er skilta med namn på huset, kven som budde der og kva for yrke dei hadde.

• Kaféliv. Landsbyen i Fyresdal sentrum er koseleg, med fine trehus i tronge gater. Her finn du både kaffebar, ein lekker sportsbutikk og fine kles- og gåvebutikkar. Nede ved vatnet ligg Kafè Teisner, med fin utsikt mot vatnet. Sjekk også ut Fyresdal Bed and Breakfast og Meieriet Cafe-Pub-Pizza A/S

• Merleyn galleri med utstillingar og butikk