Sommarutstilling i Øyfjell: Stavangerflint-designar Anne Lofthus

Om

Laurdag 20. juni opnar ei utstilling med keramikar, designar og formingslærar Anne Lofthus frå Vinje. Ho var særleg kjent for sin dekor for Stavangerflint.

Anne Lofthus var utdanna innan kunst, keramikk, musikk og dans, og hadde studieturar både servisei inn- og utland. Keramikarutdanninga fekk ho ved Statens håndverks- og kunstindustriskole i Oslo i perioden 1954–1958.
Anne var tilsett som designar ved Stavangerflint frå 1959 til 1963. Ho laga dekor til mellom anna servise, dekorseriar og suvenirar. Blant dei mest kjende servisedekorane kan nemnast «Tiril», «Vinge» og barneserviset «Du som metter liten fugl». Under arbeidet med seriane «Stolt Margit» og «Folklore» henta ho inspirasjon frå heimfylket Telemark.

Anne Lofthus var født i 1932 og gifta seg Valla i Hemnes, Nordland, dit ho flytta i 1967. Frå 1967 hadde ho eigen verkstad i Hemnes, som ho dreiv fram til ho døydde i 2003.
Familien har gjeve ei stor samling etter henne til Vest-Telemark museum, som vert utstilt på Øyfjell bygdemuseum i sommar.

Utstillinga er tilgjengeleg i museets opningstider sommaren 2026.